اكد مصدر مطلع للصريح ان والدة احد الرضع الضحايا ويبلغ من السن 3 اسابيع فقط
اصيبت بانهيار وهالة هيستيرية،بعد وفاة طفلها الوحيد بمستشفى الرابطة،وقد انجبته بعد
علاج ومصاريف وسفرات بين فرنسا وألمانيا وبعد انتظار 8 اعوام.
سلمى البقلوطي من أريانة
تخدم سكراتارة في معمل بلاستيك، عرست عمرها 22 سنة من صديق الدراسة و حبت تجيب صغير
كيما الناس الكل اما للأسف عندها مشكل فالرحم متاعها… سلمى ما أيستش حاولت تلقى الدواء
المناسب لمرضها مشات للطبة الكل و لطبة الاعشاب سافرت لتركيا و حتى تقنية أطفال الانابيب
ما مساتش معاها
بقات عالحالة هاذي 8 سنين
،شهريتها تاخوها من هون يمشيو للطبة و الدوايات و الديون
جاتها امها مرة قالتها بنتي
هاذم زوز خواتم ذهب و سلسلتي برا بيعهم و اعمل بيهم عمرة انت و راجلك و أطلبو ربي الشفاء
في بيتو، و فعلا مشاو عملو نصف شهر و رجعو و بعد 10 شهور جا الخبر السعيد و اكتشفت
انها حامل بطفلة و فرحت الي تعبها و دعائها ما مشاش خسارة
بدات فالتحضيرات شرات دبش
للبنية و ألعاب و كل شي بمعاونة اهلها و اهل راجلها خاطر الشهرية على قدها..
نهار الاثنين بدات الاوجاع
و مشات لمستشفى وسيلة بورقيبة قعدت نهار كامل اما ما ولدتش و بعد رجعت للدار، و نهار
الجمعة رجعت الاوجاع و تمت عملية الولادة بنجاح الطفلة طلعت محلاها و سماتها نور مشى
في بالها باش تنورلها حياتها بعد سنين الحرمان و التعب..
وقت الولادة سلمى حضنت بنتها
و عنقتها و باستها و بكات بكات بكات حتى لين القابلة بكات معاها خاطر تعرف حكايتها
اما سخرية القدر و اهمال الطاقم الطبي بالمستشفى منعو سلمى من انها تحضن بنتها مرة
أخرى و خسرو عليها كان ( مادام سامحنا بنتك توفات بدواء ملوث)
ليست هناك تعليقات:
إرسال تعليق